Ecce, velut nāvis praefīxo concita rōstro
sulcat aquās iuvenum sūdantibus ācta lacertīs,
sīc fera dīmōtīs inpulsū pectoris undīs;
tantum aberat scopulīs, quantum Balearica tortō
funda potest plumbō mediī trānsmittere caelī, 710
cum subitō iuvenis pedibus tellūre repulsa
arduus in nūbēs abiit: ut in aequore summō
umbra virī visa est, vīsam fera saevīt in umbram,
utque Iovis praepes, vacuō cum vīdit in arvō
praebentem Phoebō līventiā terga dracōnem, 715
occupat āversum, neu saeva retorqueat ora,
squāmigerīs avidōs fīgit cervīcibus unguēs,
sīc celerī missus praeceps per ināne volātū
terga ferae pressit dextrōque frementis in armō
Inachides ferrum curvō tenus abdidit hāmō. 720
vulnere laesa gravī modo sē sublīmis in aurās
attollit, modo subdit aquīs, modo mōre ferōcis
versat aprī, quem turba canum circumsonā terret.
ille avidōs morsūs vēlōcibus effugit ālīs
quāque patet, nunc terga cavīs super obsita conchīs, 725
nunc laterum costās, nunc quā tenuissima cauda
dēsinit in piscem, falcātō verberat ēnse;
bēlua pūniceō mixtōs cum sanguine fluctūs
ōre vomit: maduēre gravēs adsperginē pennae.
nec bibulīs ultrā Perseus tālāribus ausus 730
crēdere cōnspēxit scopulum, quī vertice summō
stantibus exstat aquīs, operītur ab aequore mōtō.
nīxus eō rūpisque tenēns iuga prima sinistrā
ter quater exēgit repetītā per īlia ferrum.
lītora cum plausū clāmor superāsque deōrum 735
inplēvēre domōs: gaudent generumque salūtant
auxiliumque domūs servātōremque fatentur
Cassiopē Cēpheusque pater; resolūtā catēnīs
incēdit virgō, pretiumque et causa labōris.
ipse manūs haustā victrīcēs abluit undā, 740
anguiferumque caput dūra nē laedat harēna,
mollit humum foliīs nātāsque sub aequore virgās
sternit et inpōnit Phorcynidos ōra Medusae.
sulcat aquās iuvenum sūdantibus ācta lacertīs,
sīc fera dīmōtīs inpulsū pectoris undīs;
tantum aberat scopulīs, quantum Balearica tortō
funda potest plumbō mediī trānsmittere caelī, 710
cum subitō iuvenis pedibus tellūre repulsa
arduus in nūbēs abiit: ut in aequore summō
umbra virī visa est, vīsam fera saevīt in umbram,
utque Iovis praepes, vacuō cum vīdit in arvō
praebentem Phoebō līventiā terga dracōnem, 715
occupat āversum, neu saeva retorqueat ora,
squāmigerīs avidōs fīgit cervīcibus unguēs,
sīc celerī missus praeceps per ināne volātū
terga ferae pressit dextrōque frementis in armō
Inachides ferrum curvō tenus abdidit hāmō. 720
vulnere laesa gravī modo sē sublīmis in aurās
attollit, modo subdit aquīs, modo mōre ferōcis
versat aprī, quem turba canum circumsonā terret.
ille avidōs morsūs vēlōcibus effugit ālīs
quāque patet, nunc terga cavīs super obsita conchīs, 725
nunc laterum costās, nunc quā tenuissima cauda
dēsinit in piscem, falcātō verberat ēnse;
bēlua pūniceō mixtōs cum sanguine fluctūs
ōre vomit: maduēre gravēs adsperginē pennae.
nec bibulīs ultrā Perseus tālāribus ausus 730
crēdere cōnspēxit scopulum, quī vertice summō
stantibus exstat aquīs, operītur ab aequore mōtō.
nīxus eō rūpisque tenēns iuga prima sinistrā
ter quater exēgit repetītā per īlia ferrum.
lītora cum plausū clāmor superāsque deōrum 735
inplēvēre domōs: gaudent generumque salūtant
auxiliumque domūs servātōremque fatentur
Cassiopē Cēpheusque pater; resolūtā catēnīs
incēdit virgō, pretiumque et causa labōris.
ipse manūs haustā victrīcēs abluit undā, 740
anguiferumque caput dūra nē laedat harēna,
mollit humum foliīs nātāsque sub aequore virgās
sternit et inpōnit Phorcynidos ōra Medusae.